മുൻ വനിതാ ക്യാപ്റ്റൻ സബീന അന്തരിച്ചു.

0
103

കേരള വനിതാ ക്രിക്കറ്റ് ടീം മുൻ ക്യാപ്റ്റനും, സെലക്ഷൻ കമ്മിറ്റി അംഗവുമായ സബീന ജേക്കബ് തിരുവനന്തപുരത്ത കുമാരപുരം ടാഗോർ ഗാർഡൻസ് വസതിയിൽ വച്ച് അന്തരിച്ചു.

മാർ ഇവാനിയോസ് കോളേജിലെ മുൻ ഇംഗ്ലീഷ് പ്രൊഫസറായ ടിറ്റോ ചെറിയാന്റെ ഭാര്യയാണ് സബീന. കഴിഞ്ഞ ഏതാനും മാസങ്ങളായി രോഗബാധിതയായ സബീന ജേക്കബ് ജില്ലാ, സംസ്ഥാന വനിതാ ക്രിക്കറ്റ് അസോസിയേഷൻ സെക്രട്ടറി കൂടിയായിരുന്നു. ഒരു പതിറ്റാണ്ടോളം വനിതാ ക്രിക്കറ്റ് ടീമിന്റെ ഭാഗമായിരുന്ന അവർ തിരുവനന്തപുരം, എറണാകുളം, കോട്ടയം, അടൂർ എന്നിവിടങ്ങളിൽ സ്റ്റേറ്റ് ബാങ്ക് ഓഫ് തിരുവിതാംകൂറിലെ ജോലിക്കാരിയായി സേവനമനുഷ്ഠിച്ചിട്ടുണ്ട്.

മൃതദേഹം തിങ്കളാഴ്ച രാവിലെ 10 ന് പൊതുജനങ്ങൾക്കായി കേരള ക്രിക്കറ്റ് അസോസിയേഷൻ ആസ്ഥാനത്ത് പൊതുദർശനത്തിന് വയ്ക്കും, സെന്റ് മേരീസ് ജേക്കബ് സിറിയൻ ചർച്ചിലെ അന്ത്യകർമങ്ങൾക്ക് ശേഷം വൈകുന്നേരം 4 മണിക്ക് മൃതദേഹം സംസ്കരിക്കും.

LEAVE A REPLY

Please enter your comment!
Please enter your name here