കുഴൽ കിണറിൽ വീണ കുട്ടി മരിച്ചു.

0
589

രാ​ജ്യ​ത്തെ ഒന്നാകെ ക​ണ്ണീ​രി​ലാ​ഴ്ത്തിക്കൊണ്ട് ട്രിച്ചി മ​ണ​പ്പാ​റയിൽ കു​ഴ​ൽ​ക്കി​ണ​റി​ൽ വീ​ണ രണ്ടു വ​യ​സു​കാ​ര​ൻ സു​ജി​ത്ത് മ​രി​ച്ചു. നാല് ദിവസത്തോളമായി സു​ജി​ത്ത് കി​ണ​റ്റി​ൽ വീണിട്ട്. ത്വരിതമായ ര​ക്ഷാ​പ്ര​വ​ർ​ത്ത​ന​ങ്ങ​ൾ പു​രോ​ഗ​മി​ക്കു​ന്ന​തി​നി​ടെ​യാ​ണ് കു​ട്ടി മ​രി​ച്ച​ത്. മൃതദേഹം കുഴ​ൽ​ക്കി​ണ​റി​ലൂ​ടെ ത​ന്നെ പുറത്തെ​ടു​ത്തു.

ര​ക്ഷ​പ്പെ​ടു​ത്താ​ൻ ക​ഴി​യു​ന്ന​തെ​ല്ലാം ചെയ്തതെന്നും നി​ർ​ഭാ​ഗ്യ​വ​ശാ​ൽ അതൊന്നും ഫലം കണ്ടില്ലെന്നും രക്ഷാപ്രവർത്തനത്തിന് നേതൃത്വം നൽകിയവർ പറഞ്ഞു.

വെ​ള്ളി​യാ​ഴ്ച വൈകീട്ടോടെയാണ് കളിക്കുന്നതിനിടയ്‌ക്ക് കുട്ടി കുഴൽ കിണറിൽ വീണത്. ആദ്യം 25 അടി മാത്രം താഴ്ചയിലായിരുന്നു എങ്കിലും രക്ഷാപ്രവർത്തനത്തിനിടെ 100 അടിയോളം താഴേക്ക് വീണു. കുഴൽക്കിണറിന് ഏകദേശം 600 അടിയോളം താഴ്ചയുണ്ട്.

സ​മാ​ന്ത​ര​മാ​യി ഒരു കു​ഴി​യെ​ടു​ത്ത് കു​ട്ടി​യെ പു​റ​ത്തെ​ടു​ക്കാ​നു​ള്ള ശ്ര​മ​മാണ് നടത്തിയിരുന്നത് എന്നാൽ കുറുകേ വന്ന പാറയും, പ്രതികൂല കാലാവസ്ഥയും, യന്ത്ര തകരാറും കൂടി ആയതോടെ രക്ഷാപ്രവർത്തനം നീണ്ടുപോയി. സ​മ​യം വൈ​കു​ന്ന​തു ഒ​ഴി​വാ​ക്കാ​ൻ മൂ​ന്നു ഇ​ര​ട്ടി ശ​ക്തി​യു​ള്ള മ‌​റ്റൊ​രു മെ​ഷി​ൻ എ​ത്തി​ച്ചെങ്കിലും എല്ലാം വിഫലമാക്കി കുഞ്ഞ് മരണത്തിന് കീഴടങ്ങി.

LEAVE A REPLY

Please enter your comment!
Please enter your name here