മധുവാര്യർ സംവിധാനം; മഞ്ജുവാര്യർ നിർമ്മാണം ‘ലളിതം സുന്ദരം’ ചിത്രീകരണം ആരംഭിച്ചു.

0
331

മഞ്ജുവാര്യരെ നായികയാക്കി സഹോദരൻ മധുവാര്യരുടെ കന്നിസംവിധാനസംരംഭമായ ‘ലളിതം സുന്ദരം’ ചിത്രീകരണമാരംഭിച്ചു .മഞ്ജു വാര്യര്‍ നിര്‍മിക്കുന്ന ആദ്യ കൊമേര്‍ഷ്യല്‍ ചിത്രം കൂടിയായ ലളിതം സുന്ദരത്തില്‍ ബിജുമേനോനും മഞ്ജുവാര്യരും കേന്ദ്ര കഥാപാത്രങ്ങളെ അവതരിപ്പിക്കുന്നു. മഞ്ജുവാര്യര്‍ പ്രൊഡക്ഷന്‍സും സെഞ്ച്വറി പ്രൊഡക്ഷന്‍സും ചേര്‍ന്ന് നിർമ്മിക്കുന്ന ചിത്രത്തിൻ്റെ ഷൂട്ടിംഗ് വണ്ടിപ്പെരിയാറുള്ള മൗണ്ട് ബംഗ്ലാവിൽ ആരംഭിച്ചു.

രണ്ട് പതിറ്റാണ്ടുകൾക്കു ശേഷമാണു  മഞ്ജുവാര്യരും  ബിജുമേനോനും വീണ്ടും ഒന്നിക്കുന്നത് . ഇവർ ഒന്നിച്ചഭിനയിച്ച  കൃഷ്ണഗുഡിയിൽ ഒരു പ്രണയകാലത്ത്, കുടമാറ്റം, പ്രണയവർണങ്ങൾ, കണ്ണെഴുതി പൊട്ടുംതൊട്ട് എന്നീ സിനിമകൾ സൂപ്പർഹിറ്റുകളായിരുന്നു .

പി സുകുമാര്‍ ഛായാഗ്രഹണവും പ്രമോദ് മോഹന്‍ തിരക്കഥയും ഒരുക്കുന്ന ചിത്രത്തിൽ  ബിജിബാലാണ് സംഗീതം ഒരുക്കുന്നത് . ചിത്രത്തിൽ  ദിലീഷ് പോത്തന്‍, സൈജു കുറുപ്പ്, രഘുനാഥ് പലേരി, സറീന വഹാബ്, ദീപ്തി സതി എന്നിങ്ങനെ നീണ്ടതാരനിരയും അണിനിരക്കുന്നു.

LEAVE A REPLY

Please enter your comment!
Please enter your name here